മനാമ: കൊവിഡ് വാക്സിൻ രണ്ടാം ഡോസ് സ്വീകരിക്കാൻ വിട്ടുപോയവർക്ക് നിശ്ചിത മെഡിക്കൽ സെൻററുകളിൽ ചെന്ന് വാക്സിൻ സ്വീകരിക്കാമെന്ന് ആരോഗ്യ മന്ത്രാലയം അറിയിച്ചു. രണ്ട് ഡോസും സ്വീകരിച്ചാൽ മാത്രമാണ് പൂർണ പ്രതിരോധശേഷി കൈവരിക. സിനോഫാം വാക്സിൻ സ്വീകരിച്ചവർക്ക് മുഹറഖ്, ജിദാഫ്സ്, ഈസ ടൗൺ, അൽ സല്ലാഖ് ഹെൽത്ത് സെൻററുകളിൽ നേരിട്ടെത്തി രണ്ടാം ഡോസ് സ്വീകരിക്കാവുന്നതാണ്.
ഫൈസർ-ബയോ എൻടെക് വാക്സിൻ സ്വീകരിച്ചവർ ആദ്യ ഡോസ് സ്വീകരിച്ച അതേ സ്ഥലത്താണ് ചെല്ലേണ്ടത്. സ്പുട്നിക് വി വാക്സിൻ സ്വീകരിച്ചവർ ബഹ്റൈൻ ഇൻറർനാഷനൽ എക്സിബിഷൻ ആൻഡ് കൺവെൻഷൻ സെൻററിലും ആസ്ട്രസെനേക്ക വാക്സിൻ സ്വീകരിച്ചവർ അൽ ഹൂറ ഹെൽത്ത് സെൻററിലുമാണ് എത്തേണ്ടത്.
