മനാമ: കോവിഡ് രോഗമുക്തിനേടിയ വാക്സിൻ സ്വീകരിച്ച വ്യക്തികൾക്ക് ബൂസ്റ്റർ ഡോസ് സ്വീകരിക്കുന്നതിനുള്ള വ്യവസ്ഥകൾ പ്രഖ്യാപിച്ചു. സർക്കാർ എക്സിക്യൂട്ടിവ് കമ്മിറ്റിയുടെ അംഗീകാരത്തോടെ കോവിഡ് പ്രതിരോധ മെഡിക്കൽ സമിതിയാണ് ഇക്കാര്യം അറിയിച്ചത്. യോഗ്യരായ ആളുകൾക്ക് കോവിഡ് സ്ഥിരീകരിച്ച് 12 മാസത്തിനുശേഷം ബൂസ്റ്റർ ഡോസ് സ്വീകരിക്കാവുന്നതാണ്.
കോവിഡ് -19 സംബന്ധിച്ച ഏറ്റവും പുതിയ വിലയിരുത്തലുകളുടെ അടിസ്ഥാനത്തിലാണ് വാക്സിനേഷൻ, ബൂസ്റ്റർ ഡോസ് എന്നിവ സംബന്ധിച്ച് തീരുമാനം എടുക്കുന്നതെന്ന് മെഡിക്കൽ സമിതി അറിയിച്ചു.
