മനാമ: ഇന്ത്യയുടെ 76ാം സ്വാതന്ത്ര്യദിനാഘോഷങ്ങളുടെ ഭാഗമായി യുനൈറ്റഡ് പാരന്റ്സ് പാനല് (യു.പി.പി) കിംസ് ഹെല്ത്ത് മെഡിക്കൽ സെന്ററുമായി സഹകരിച്ച് മെഡിക്കൽ ക്യാമ്പും ആരോഗ്യ സെമിനാറും സംഘടിപ്പിച്ചു. ചെയര്മാൻ എബ്രഹാം ജോണ് അധ്യക്ഷത വഹിച്ച ചടങ്ങില് കേരളീയ സമാജം ജനറല് സെക്രട്ടറി വർഗീസ് കാരക്കല് മെഡിക്കല് ക്യാമ്പ് ഉദ്ഘാടനം ചെയ്തു. സെമിനാറില് ഡോ. പി.വി. ചെറിയാന് മുഖ്യാതിഥിയായിരുന്നു.
ബഹ്റൈന് സാമൂഹിക, സാംസ്കാരിക മണ്ഡലങ്ങളിലെ നിരവധി പ്രമുഖര് പങ്കെടുത്ത പരിപാടിയില് കിംസ് ഹെല്ത്ത് ചീഫ് ഓപറേറ്റിങ് ഓഫിസര് താരിഖ് നജീബ് സ്വാഗതവും സീനിയര് മാര്ക്കറ്റിങ് അസിസ്റ്റന്റ് എം.വി. അനുഷ നന്ദിയും പറഞ്ഞു. സഈദ് റമദാന് നദ്വി, സെയ്ദ് ഹനീഫ്, സേവി മാത്തുണ്ണി, ഇ.എ. സലീം, നിത്യന് തോമസ്, ഗംഗന് തൃക്കരിപ്പൂര്, റഷീദ് മാഹി, സുനില് ബാബു, വി.സി. ഗോപാലന്, ഡോ. മുഹമ്മദ്, ഡോ. ഡോണല്, ഡോ. സഞ്ജയ്, മസൂമ മിയ, റോജി എം. മോഹന് എന്നിവര് സംസാരിച്ചു.
യു.പി.പി ഭാരവാഹികളായ ശ്രീധര് തേറമ്പിൽ, ദീപക് മേനോൻ, ജോർജ് മാത്യു, ജോണ് തരകൻ, ശങ്കരപിള്ള, മോഹന് കുമാര് നൂറനാട് എന്നിവര് നേതൃത്വം നല്കി. പ്രമോദ്, പാപ്പു ഗുഹ, സൈറ പ്രമോദ്, ശ്രീജ ശ്രീധര്, വിനീത വിജയ്, വിജയ് എന്നിവര് പരിപാടി നിയന്ത്രിച്ചു.