മനാമ: അന്താരാഷ്ട്ര പുരസ്‌ക്കാര നേട്ടങ്ങളുമായി ബഹ്‌റൈന്‍ ഇന്റര്‍നാഷണല്‍ വിമാനത്താവളം. മിഡില്‍ഈസ്റ്റിലെ ഏറ്റവും വൃത്തിയുള്ള വിമാനത്താവളം, പ്രതിവര്‍ഷം 25 ദശലക്ഷം യാത്രക്കാരെ കൈകാര്യം ചെയ്യുന്ന വിമാനത്താവളങ്ങളുടെ വിഭാഗത്തില്‍ ലോകത്തിലെ ഏറ്റവും വൃത്തിയുള്ള വിമാനത്താവളം, 5-10 ദശലക്ഷം യാത്രക്കാര്‍ക്ക് സേവനം നല്‍കുന്ന ലോകത്തിലെ ഏറ്റവും മികച്ച വിമാനത്താവളം എന്നിവക്കുള്ള പുരസ്‌ക്കാരങ്ങളാണ് ബഹ്‌റൈന്‍ വിമാനത്താവളം കരസ്ഥമാക്കിയത്.
ഏപ്രില്‍ ഒമ്പതിന് സ്‌പെയ്‌നിലെ മഡ്രിഡില്‍ നടന്ന പാസഞ്ചേഴ്സ് ടെര്‍മിനല്‍ എക്‌സ്‌പോയിലെ വേള്‍ഡ് എയര്‍പോര്‍ട്ട് അവാര്‍ഡ്ദാന ചടങ്ങിലാണ് അവാര്‍ഡുകള്‍ സമ്മാനിച്ചത്. വിമാനത്താവള നടത്തിപ്പ് കമ്പനിയായ ബഹ്‌റൈന്‍ എയര്‍പോര്‍ട്ട് കമ്പനി (ബി.എ.സി)യിലെ ഫെസിലിറ്റി മാനേജ്‌മെന്റ് വൈസ് പ്രസിഡന്റ് ഇയാദ് ഇസ്മായീല്‍ അവാര്‍ഡ് സ്വീകരിച്ചു.
