മനാമ: ബഹ്റൈനിൽ കോവിഡ് വാക്സിനേഷൻ പൊതുജനങ്ങൾക്കും നൽകി തുടങ്ങി. മികച്ച പ്രതികരണമാണ് വിവിധ ഭാഗങ്ങളിൽ നിന്നും വാക്സിനേഷന് ലഭിക്കുന്നത്. പ്രവാസികളും സ്വദേശികളും ഉൾപ്പെടെ നിരവധി പേർ വാക്സിൻ സ്വീകരിക്കാൻ മുന്നോട്ടു വരുന്നുണ്ട്. പൊതുജനാരോഗ്യ സംരക്ഷണത്തിന് ജനങ്ങൾ കാണിക്കുന്ന പ്രതിബദ്ധതയെ ആരോഗ്യമന്ത്രാലയം അഭിനന്ദിച്ചു. രാജ്യത്തെ 27 മെഡിക്കൽ സെൻററുകൾ വഴിയാണ് വാക്സിൻ നൽകുന്നത്.
വാക്സിനേഷൻ പദ്ധതിക്കായി ആരോഗ്യമന്ത്രാലയം കാൺലൈൻ രജിസ്ട്രേഷൻ ആരംഭിച്ചിരുന്നു. https://healthalert.gov.bh എന്ന മന്ത്രാലയത്തിറെ വെബ്സൈറ്റിലൂടെയാണ് രജിസ്ട്രേഷൻ നടപടികൾ പൂർത്തീകരിക്കേണ്ടത്. സൗജന്യ വാക്സിൻ സ്വീകരിക്കുന്നതിനുള്ള സമയം ഇതിൽ അനുവദിച്ചുകിട്ടുന്നതിനനുസരിച്ചാണ് ചെല്ലേണ്ടത്. 18 വയസ്സിന് മുകളിലുള്ള ആർക്കും വാക്സിനേഷനായി രജിസ്റ്റർ ചെയ്യാം. കോവിഡ് പ്രതിരോധത്തിനുള്ള ആരോഗ്യ മന്ത്രാലയത്തിൻ്റെ പ്രയത്നങ്ങളിൽ പങ്കാളികളാകുന്നതിന് എല്ലാവരും രജിസ്റ്റർ ചെയ്യണമെന്ന് മന്ത്രാലയം ആഹ്വാനം ചെയ്തു.