മനാമ: ജനങ്ങളുടെ അവബോധവും സഹകരണവും ഇല്ലാതെ കോവിഡ് വ്യാപനം കുറക്കാനാവില്ലെന്ന് ആരോഗ്യ മന്ത്രാലയത്തിലെ അണ്ടർസെക്രട്ടറി ഡോ. വലീദ് ഖലീഫ അൽ മാനിഅ്.
രോഗികളുടെ എണ്ണം കൂടുന്നതിനാൽ അതീവ ജാഗ്രത പുലർത്തേണ്ട സമയമാണിതെന്നും രാജ്യത്തിൻ്റെ താൽപര്യം സംരക്ഷിക്കുന്നതിൽ ജനങ്ങൾ പ്രതിജ്ഞാബദ്ധരാണെന്നും കൊവിഡ് വ്യാപനം തടയാൻ എല്ലാവരും ഒറ്റകെട്ടായി നിൽക്കണമെന്നും അദ്ദേഹം ചൂണ്ടിക്കാട്ടി.
ജനങ്ങളുടെ ആരോഗ്യം സംരക്ഷിക്കുന്നത് രാജ്യ താൽപര്യത്തിൻ്റെ തന്നെ ഭാഗമാണെന്നും കൊവിഡിനെ തുരത്തുന്നതിൽ ജനങ്ങളുടെ പിന്തുണ ഇല്ലാതെ മുന്നോട്ട് പോകാനാവില്ലെന്നും അദ്ദേഹം ഓർമ്മിപ്പിച്ചു. ജനിതകമാറ്റം വന്ന വൈറസ് കണ്ടെത്തിയതിനെ തുടർന്ന് ജനങ്ങൾ കൂടുതൽ ജാഗ്രത പാലിക്കേണ്ടതിനെ കുറിച്ചും അദ്ധേഹം സൂചിപ്പിച്ചു. കോവിഡ് വ്യാപനം തടയാൻ പുറപ്പെടുവിച്ചിട്ടുള്ള മുൻകരുതൽ നിർദേശങ്ങൾ പാലിക്കാൻ എല്ലാവരും തയാറാകണമെന്നും അദ്ദേഹം പറഞ്ഞു.
