മനാമ: ഇന്ത്യയിൽനിന്ന് ബഹ്റൈനിലേക്ക് യു.എ.ഇ വഴി യാത്ര ചെയ്യുന്നതിന് വിവിധ വിമാനക്കമ്പനികൾ ബുക്കിങ് ആരംഭിച്ചു. എമിറേറ്റ്സ്, എയർ അറേബ്യ, ഫ്ലൈ ദുബൈ എന്നിവയാണ് നിലവിൽ ബുക്കിങ് ആരംഭിച്ചിരിക്കുന്നത്. ഇന്ത്യ ഉൾപ്പെടെയുള്ള രാജ്യങ്ങളിൽനിന്നുള്ളവർക്ക് യു.എ.ഇ ഏർപ്പെടുത്തിയ വിലക്ക് നീക്കിയ സാഹചര്യത്തിലാണ് അതുവഴി ബഹ്റൈനിലേക്ക് വരാൻ വഴി തെളിഞ്ഞത്.
റെഡ്‌ലിസ്റ്റിൽ ഉൾപ്പെട്ടതിനാൽ ഇന്ത്യയിൽനിന്ന് വരുന്നവർക്ക് നിലവിൽ ബഹ്റൈൻ ഏർപ്പെടുത്തിയിട്ടുള്ള എല്ലാ നിബന്ധനകളും യാത്രക്കാർ പാലിക്കണം. ബഹ്റൈൻ പൗരൻമാർക്കും റസിഡൻസ് പെർമിറ്റുളള്ളവർക്കും മാത്രമാണ് നിലവിൽ ബഹ്റൈനിലേക്ക് വരാൻ അനുമതിയുള്ളത്.
