മനാമ: അഫ്ഗാനിസ്ഥാനിൽ നടന്ന കുടിയൊഴിപ്പിക്കൽ ശ്രമങ്ങളിൽ ബഹ്റൈൻ നൽകുന്ന മാനുഷിക പിന്തുണയ്ക്ക് അഭിനന്ദനവും നന്ദിയും പ്രകടിപ്പിച്ച് യു എസ് വൈസ് പ്രസിഡന്റ് കമലാ ഹാരിസ്. കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയുമായി നടത്തിയ ഫോൺ സംഭാഷത്തിലാണ് കമലാ ഹാരിസ് കൃതജ്ഞത രേഖപ്പെടുത്തിയത്.
ബഹ്റൈനും-യുഎസും തമ്മിൽ ചരിത്രാതീതമായുള്ള തന്ത്രപരമായ ബന്ധങ്ങളുടെ ആഴം അവർ എടുത്തുകാണിക്കുകയും അവയെ കൂടുതൽ ശക്തിപ്പെടുത്തുന്നതിനുള്ള വഴികൾ ചർച്ച ചെയ്യുകയും ചെയ്തു.
രണ്ടു രാജ്യങ്ങൾക്കും പൊതു താൽപ്പര്യമുള്ള ഏറ്റവും പുതിയ പ്രാദേശികവും അന്തർദേശീയവുമായ പ്രശ്നങ്ങളും അഫ്ഗാനിസ്ഥാനിലെ സാഹചര്യത്തെക്കുറിച്ചുള്ള സംഭവവികാസങ്ങളും അവലോകനം ചെയ്തു.
പ്രാദേശിക സുരക്ഷയും സ്ഥിരതയും പിന്തുണയ്ക്കുന്നതിനുള്ള ശ്രമങ്ങൾ ശക്തിപ്പെടുത്തുന്നതിന്റെ പ്രാധാന്യം അവർ ഊന്നിപ്പറഞ്ഞു.