മനാമ: ബഹ്‌റൈനിലെ സാമൂഹിക സാംസ്‌കാരിക സംഘടനയും പാലക്കാട് നിവാസികളുടെ കൂട്ടായ്മയുമായ പാലക്കാട് ആര്‍ട്‌സ് ആന്‍ഡ് കള്‍ച്ചറല്‍ തിയേറ്റര്‍ (പാക്ട്), വര്‍ഷം തോറും സംഘടിപ്പിക്കാറുള്ള ”പാക്ട് ഓണം” ആഘോഷങ്ങള്‍ക്ക് ഒരുക്കങ്ങളായതായി് ഭാരവാഹികള്‍ വാര്‍ത്താക്കുറിപ്പില്‍ അറിയിച്ചു.
ഈ വര്‍ഷം 3 മാസങ്ങളോളം നീണ്ടു നില്‍ക്കുന്ന ‘പാക്ട് ഓണപ്പൂത്താലം-2022’ ഓണാഘോഷ പരിപാടികള്‍ക്ക് ജൂലായ് ഒന്നാം തീയതി തിരി തെളിയും. ഇതില്‍ ചിലത് ഓണ്‍ലൈനായും ചിലത് ഓഫ്‌ലൈനായും നടത്തും. ഓണ്‍ലൈന്‍ ക്വിസ് മത്സരം-മായാപ്രപഞ്ചം, ചതുരംഗം, ഓണപ്പാട്ട് മത്സരം, തിരുവാതിരക്കളി & പായസ മത്സരം, എന്നിങ്ങനെ വൈവിധ്യമാര്‍ന്ന മത്‌സരങ്ങളിലൂടെ അണി നിരക്കുന്ന ഓണപൂത്താലം, സെപ്റ്റംബര്‍ പതിനാറിന് ഇന്ത്യന്‍ സ്‌കൂളില്‍ വച്ച് നടത്തുന്ന പൊന്നോണസദ്യയോട് കൂടി അവസാനിക്കും.
