മനാമ: ബഹ്റൈനിൽ മാർബിൾ ഇറക്കുന്നതിനിടെ ഉണ്ടായ അപകടത്തിൽ ഒരു മലയാളി മരിക്കുകയും നാലു മലയാളികൾക്ക് പരിക്കേൽക്കുകയും ചെയ്തു. ആലിബൂരിയിലായിരുന്നു സംഭവം. തിരുവനന്തപുരം നെയ്യാറ്റിൻകര മാരായമുട്ടം കല്ലിടാന്തി സി.എസ്.ഭവനിൽ നിഷാന്ത് ദാസ് (27) ആണ് മരിച്ചത്. നിഷാന്ത് ആറ് വർഷമായി ബഹ്റൈൻ പ്രവാസിയാണ്. ഒമാനിൽ നിന്നും കൊണ്ടുവന്ന മാർബിൾ സ്വകാര്യകമ്പനിയിൽ ഇറക്കുന്നതിനിടെയാണ് മാർബിൾപാളി പൊട്ടി വീണ് അപകടം സംഭവിച്ചത്. പരിക്കേറ്റവരിൽ രണ്ടുപേരെ ബി.ഡി.എഫ് ആശുപത്രിയിലും രണ്ടുപേരെ പ്രാഥമിക ശുശ്രൂഷ നൽകി വിട്ടയക്കുകയും ചെയ്തു. മൃതദേഹം സൽമാനിയ ആശുപത്രി മോർച്ചറിയിലേക്ക് മാറ്റി. നാട്ടിലേക്ക് കൊണ്ടു പോകുന്നതിനുള്ള നടപടി ക്രമങ്ങൾ പുരോഗമിക്കുന്നു.
