bahrainvartha-official-logo
Search
Close this search box.

കോവിഡ്-19; ബഹ്റൈനിൽ 322 പുതിയ കേസുകൾ, 273 പേർക്ക് രോഗമുക്തി

received_1663797960443793

മനാമ: ബഹ്റൈനിൽ 322 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. ഓഗസ്റ്റ് 8 ന് 24 മണിക്കൂറിനിടെ 6831 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി കോവിഡ്-19 സ്ഥിരീകരിച്ചത്. ഇവരിൽ 126 പേർ പ്രവാസി തൊഴിലാളികളാണ്. മറ്റ് 192 പേർക്ക് സമ്പർക്കങ്ങളിലൂടെയും 4 പേർക്ക് യാത്രാ സംബന്ധമായുമാണ് രോഗബാധയേറ്റത്.

അതേ സമയം 273 പേർ കൂടി രോഗമുക്തി നേടി ചികിത്സാ കേന്ദ്രങ്ങൾ വിട്ടിട്ടുണ്ട്. ഇതോടെ ആകെ രോഗമുക്തി നേടിയവരുടെ എണ്ണം 40549 ആയി ഉയർന്നു.

നിലവിൽ 2919 പേരാണ് രാജ്യത്ത് കോവിഡ് ബാധിച്ച് ചികിത്സയില്‍ കഴിയുന്നത്. ചികിത്സയിലുള്ളവരിൽ ഭൂ പേരുടെ ആരോഗ്യനില ഗുരുതരമായി തുടരുകയാണ്. ഇന്നലെ ഒറ്റപ്പാലം സ്വദേശിയായ ഒരു മലയാളിയും ഒരു സ്വദേശി പൗരനുമടക്കം രണ്ട് പേരാണ് കോവിഡ് ബാധിച്ച് രാജ്യത്ത് മരണപ്പെട്ടത്. ഇതോടെ ആകെ മരണ സംഖ്യ 161 ആയി. ഇതുവരെ ആകെ 892926 പേരെ പരിശോധനകൾക്ക് വിധേയമാക്കിയിട്ടുണ്ട്. പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും തുടരുകയാണ്.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!