bahrainvartha-official-logo
Search
Close this search box.

ഗള്‍ഫ് രാഷ്ട്രങ്ങളിലും ഇന്ന് നബിദിനം: സമസ്ത ബഹ്റൈന്‍ ഓണ്‍ലൈന്‍ സംഗമങ്ങള്‍ ഇന്നും നാളെയും

received_743168986264495

മനാമ: പ്രവാചകന്‍ മുഹമ്മദ് നബി(സ)യുടെ 1495 മത് ജന്മ ദിനം ഇന്ന് ഒമാന്‍ ഉള്‍പ്പെടെയുള്ള ഗള്‍ഫ് രാഷ്ട്രങ്ങളിലും സമുചിതം ആഘോഷിക്കും.

പതിവിനു വിപരീതമായി കൊവിഡ് സാഹചര്യത്തില്‍ ഇത്തവണ നബിദിന പരിപാടികളെല്ലാം ഓണ്‍ലൈനിലാണ് സംഘടിപ്പിക്കുന്നത്.

മിക്ക ജിസിസി രാഷ്ടങ്ങളിലും മതകാര്യ വിഭാഗങ്ങളുടെയും ഔഖാഫ് മന്ത്രാലയങ്ങളുടെയും നേതൃത്വത്തില്‍ ഔദ്യോഗിക പരിപാടികള്‍ ഓണ്‍ലൈനില്‍ നടക്കും.

കൂടാതെ ജിസിസി രാഷ്ട്രങ്ങളിലെ വിവിധ പ്രവാസി മത സംഘടനകളുടെ കീഴിലും വിപുലമായ നബിദിന പരിപാടികളാണ് നടക്കുന്നത്.

പദ്യ-ഗദ്യ രൂപങ്ങളിലുള്ള പ്രവാചക പ്രകീര്‍ത്തന മൗലിദ് സദസ്സുകളും പ്രമുഖരുടെ പ്രഭാഷണങ്ങളും മദ്റസാ വിദ്യാര്‍ത്ഥികളുടെ കലാ പരിപാടികളുമാണ് പ്രധാനമായും പ്രവാസി സംഘടനകളുടെ നേതൃത്വത്തില്‍ ഓണ്‍ലൈനില്‍ നടക്കുന്നത്.

നബിദിനമായ വ്യാഴാഴ്ച പുലര്‍ച്ചെ സുബ്ഹിക്കു മുന്പായി വിവിധ കേന്ദ്രങ്ങളില്‍ മൗലിദു മജ് ലിസുകളും ഒരുക്കിയിട്ടുണ്ട്.

സമസ്ത ബഹ്റൈന്‍ വ്യാഴം, വെള്ളി ദിവസങ്ങളിലായി സംഘടിപ്പിക്കുന്ന ദ്വിദിന ഓണ്‍ലൈന്‍ നബിദിന പരിപാടികളില്‍ പ്രമുഖര്‍ പങ്കെടുക്കുമെന്ന് സംഘാടകര്‍ അറിയിച്ചു.

ഇതിന്‍റെ തല്‍സമയ സംപ്രേഷണം www.facebook.com/SamasthaBahrain എന്ന ഫൈസ്ബുക്ക് പേജില്‍ ഉണ്ടായിരിക്കും.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!